Пасажыры аўтавакзала ў Беластоку скардзяцца на яго функцыянаваньне

Пасажыры аўтавакзала ў Беластоку, на які прыбываюць таксама аўтобусы зь Беларусі, скардзяцца на яго функцыянаваньне.

У прыватнасьці, грамадзяне зьвяртаюць увагу на тое, што вакзал рана зачыняецца. Нагадаем, з-за ашчаднасьцей будынак закрываецца а 20.00 гадзіне паводле мясцовага часу ў будзённыя дні, а ў суботу й нядзелю – а 17.00. У сувязі з гэтым зьнікае таксама магчымасьць скарыстацца туалетам, які ёсьць у будынку. Пасажыры зьвяртаюць увагу на тое, што ў раёне вакзала адсутнічаюць грамадзкія прыбіральні.

Як паведамляе Польскае радыё «Беласток», стары будынак гарадзкога аўтавакзала праіснуе ўсяго толькі месяц: празь месяц аўтавакзал будзе зьнесены, а на яго месцы пачнецца будаўніцтва новага.

вс