Прэзыдэнт Рэспублікі Панама прыехаў на СДМ у Польшчу

Прэзыдэнт Анджэй Дуда прыняў сёньня ў Бэльвэдэры Хуана Карласа Варэла Радрыгеса. Прэзыдэнт Рэспублікі Панама прыехаў у Польшчу для ўдзелу ў Сусьветных днях моладзі.

Дэлегацыя з Панамы налічвае больш за 500 чалавек. Яна ўключае ў сябе, сярод іншага, прадстаўнікоў органаў улады й біскупаў.

Паводле неафіцыйных паведамленьняў, наступныя Сусьветныя дні моладзі могуць адбыцца менавіта ў сталіцы Панамы. Каталікі складаюць 65% насельніцтва гэтай краіны.

Пасьля цырымоніі афіцыйнага прывітаньня прайшлі перамовы прэзыдэнтаў. На канец Анджэй Дуда й Хуан Карлас Варэла Радрыгес падпісалі двухбаковыя пагадненьні.

аз