Больш за 95% палякаў змагаюцца са стрэсам

Больш за 95% палякаў прызнаюць, што ім здараецца змагацца са стрэсам, пры гэтым 20% кажуць, што стрэс адчуваюць штодня. Такія лічбы вынікаюць з дасьледаваньня, праведзенага Польскім псыхалягічным таварыствам.

Паводле псыхолягаў, у Польшчы жанчыны адчуваюць стрэс часьцей чым мужчыны з-за занадта вялікага аб'ёму хатніх абавязкаў.

Справа ў тым, што сучасныя жанчыны імкнуцца рабіць кар'еру й адначасова на іх застаецца дом і роля маці, таму цяжка ўзгадніць усе гэтыя часткі свайго жыцьця.
Кожны другі дарослы паляк лічыць, што ўмее спраўляцца са стрэсам.

Паводле псыхолягаў, уменьне спраўляцца са стрэсам зьяўляецца часткай эмацыйнага разьвіцьця кожнага псыхалягічна здаровага чалавека. Пры гэтым спэцыялісты зазначаюць, што нэрвовае перанапружаньне можа прывесьці да паўстаньня алькагольнай альбо іншай залежнасьці.

вс