БЧ купіць новыя польскія цягнікі

„PESA Bydgoszcz” - польскі канцэрн, які спэцыялізуецца ў вытворчасьці рэйкавай тэхнікі, вырабіць для Беларускай чыгункі новыя дызэль-цягнікі.

Такія цягнікі ўжо возяць пасажыраў паміж Вільняй і Менскам, і беларусы імі вельмі задаволеныя.

„Цяперашняя вытворчасьць дызэль-цягнікоў 730М для БЧ - гэта працяг папярэдняга кантракту, хаця ўжо на падставе асобнага дагавора”, - кажа прэс-сакратар быдгаскага вытворцы Міхал Жукоўскі.

Першы з дызэль-цягнокоў будзе дастаўлены беларускаму боку вясной 2016 году. Як і папярэднія, так і новыя цягнікі будуць абслугоўваць маршрут „Менск- Вільня” прынамсі да часу электрыфікацыі гэтай лініі.

„У цяперашні час мы рэалізуем пагадненьне на пастаўку чатырох цягнікоў у 2016 годзе й праўдападобна чарговых чатырох транспартных сродкаў у 2017 годзе”, - дадаў прадстаўнік „PESA”.

Нагадаем, першыя дызэль-цягнікі з Быдгашчы пачалі вазіць пасажыраў у Беларусі на пачатку траўня 2014 году. Яны могуць разьвіваць хуткасьць да 140 км/г.

rynek.kolejowy.pl/аз