Палякі паедуць у Лібан абмяркоўваць перасяленьне бежанцаў

Спэцыяльная група прадстаўнікоў розных польскіх устаноў накіруецца ў Лібан, каб абмеркаваць пытаньне перасяленьня ў Польшчу тамтэйшых бежанцаў.

Такім чынам дзяржава пачынае рэалізацыю сваіх абавязацельстваў па вырашэньні міграцыйнага крызысу ў Эўропе.

У склад групы ўваходзяць, між іншым, прадстаўнікі Ўпраўленьня па справах іншаземцаў, Памежнай службы, Міністэрства працы й сацыяльнай палітыкі, - кажа Аляксандар Вышыньскі з Упраўленьня па справах іншаземцаў.

Аляксандр Вышыньскі: Сустрэча будзе датычыць пытаньня перасяленьня, паводле абавязацельстваў польскага боку. Візыт будзе, мець, скажам так, кантактны характар. Падчас яго не плянуецца ніякога адбору бежанцаў, якія змогуць перасяліцца ў Польшчу.

У Лібане польская дэлегацыя пабывае ад 15 да 19 лістапада.

Першая група бежанцаў, пераселеных з Грэцыі й Італіі, а таксама з тэрыторыі Лібана, прыедзе ў Польшчу ў першым квартале 2016 году.

Польшча павінна прыняць агулам каля 7 тысяч бежанцаў.

аз