Алексіевіч - ляўрэатка Нобэлеўскай літаратурнай прэміі

Беларуская пісьменьніца стала сёлетняй ляўрэaткай Нобэлеўскай прэміі ў галіне літаратуры.

Сьвятлана Алексіевіч піша на расейскай мове. Яна зьяўляецца аўтаркай кніг: „У вайны не жаночае аблічча” (1985), „Апошнія сьведкі” (1985), „Цынкавыя хлопчыкі” (1990), „Зачараваныя сьмерцю” (1993), „Чарнобыльская малітва” (1997), „Час сэканд хэнд” (2013).

Кнігі Сьвятланы Алексіевіч перакладаліся на многія замежныя мовы.

Экспэрты зьвяртаюць увагу, што гэта першы Нобэль для грамадзяніна Беларусі й адначасова першая гэткая прэмія для журналіста.

аз