Чырвоны Крыж падлічыў загінуўшых у стыхійных бедзтвах у 2014 годзе

Чырвоны Крыж падлічыў загінуўшых у стыхійных бедзтвах і тэхнагенных катастрофах у 2014 годзе. Ахвярамі сталі 8 тысяч 186 чалавек. Пра гэта паведамляецца ў дакладзе Міжнароднай фэдэрацыі Чырвонага крыжа і Чырвонага паўмесяца.

«У 2014 годзе катастрофы закранулі амаль 107 млн чалавек, і гэтая лічба большая, чым годам раней», – тлумачыцца ў дасьледаваньні.

Чырвоны Крыж зьвязвае павелічэньне колькасьці здарэньняў са зьменамі клімату. Па гэтай прычыне адбылося 87 адсоткаў стыхійных няшчасьцяў мінулага года. Палова зь іх гэта паводкі і апоўзьні.

Вялікія паводкі зафіксаваныя ў Індыі, Пакістане і на Балканах. З краін, закранутых стыхійнымі бедзтвамі, больш за ўсё пацярпеў Кітай. Засуха, буры й паводкі нанесьлі шкоды 58 мільёнам жыхароў краіны.

Амаль палова катастроф адбылася ў Азіі. Яны прынесьлі 63% ахвяр.

За мінулы год стыхіі нанесьлі страты ў 99 мільярда даляраў. Гэтыя шкоды істотна ніжэй, чым у сярэднім за апошнія 10 гадоў – 147 мільярдаў даляраў у год.

Мінулы год стаў найменш цяжкім па колькасьці ахвяр за апошнія 30 гадоў. Сьмяротнасьць ад катастроф у 2014 годзе была амаль на 90 працэнтаў ніжэй, чым у сярэднім за апошняе дзесяцігодзьдзе.

яс