У Варшаве прайшоў Цэнтральны ваенны парад

Сёньня палякі адзначаюць Дзень Войска Польскага, устаноўлены ў памяць перамогі палякаў над Чырвонай арміяй у часе Варшаўскай бітвы 1920 году. Варшаўская бітва, якую інакш называюць Цудам на Вісьле, лічыцца адным з 18 вялікіх баёў, у якіх вырашаўся лёс сьвету.

З нагоды сьвята апоўдні ля помніка маршалу Юзэфу Пілсудскаму ў Варшаве адбыўся Цэнтральны ваенны парад, у якім прынялі ўдзел каля 1,5 тысячы жаўнераў, у тым ліку, упершыню каманда са спэцпадразьдзяленьня „GROM”.

Па адной з галоўных вуліцаў польскай сталіцы – па Ўяздоўскіх алеях – праехалі танкі, бронемашыны й гаўбіцы – агулам каля 170 машынаў.

Польская армія прадэманстравала, між іншым, бронетранспартэры „Расамак”, ракетныя сыстэмы „Лянгуста” й г.д.

Апрача таго, жыхары ды госьці сталіцы мaглi ўбачыць гусенічную тэхніку, напрыклад, танкі „Леапард” і самаходныя артылерыйскія ўстаноўкі „Краб”.

У рамках параду адбыўся пралёт больш чым 60 ваенных самалётаў і верталётаў.

аз