Брэгавіч ня выступіць у Польшчы, бо выступіў у Севастопалі

Арганізатары мерапрыемства “Life Festival”, які плянаваўся ў горадзе Асьвенцім на поўдні Польшчы, адмянілі канцэрт вядомага музыканта й кампазытара Горана Брэгавіча. Фэстываль меў прайсьці ў чэрвені.
Прычына адмены канцэрта Брэгавіча – гэта яго выступленьне 26 сакавіка ў Севастопалі. У заяве арганізатары “Life Festival” напісалі, што ня могуць даць пляцоўку “артысту, які выступіў на акупаванай Расеяй зямлі”, паведамляе Польскае агенцтва друку РАР.
Падчас выступленьня ў Севастопалі Горан Брэгавіч сказаў, што жыхары былой Югаславіі заўсёды адчувалі прыхільнасьць адносна Расеі й яе падтрымку. Ён таксама заявіў, што не баіцца адмены яго канцэртаў у Эўропе.

вс