АБСЭ: перамір'е захаванае за выключэньнем Дэбальцава

Рэжым спыненьня агню на ўсходзе Ўкраіны па стане на 18.00 учарашняга дня быў пераважна выкананы, за выключэньнем Дэбальцава й Горлаўкі, паведаміла спэцыяльная маніторынгавая місія АБСЭ.

Прадстаўнікі місіі паінфармавалі, што таксама ў панядзелак адбываліся й некаторыя парушэньні перамір'я й у іншых месцах лініі кантакту. У прыватнасьці, каля захопленага баевікамі сяла Шырокіна пад Новаазоўскам недалёка ад Марыўпаля.

Паводле дамоўленасьцяў, дасягнутых на мінулым тыдні ў Менску, у ноч на 15 лютага павінен быў наступіць рэжым спыненьня агню.

Аднак парушэньне гэтага рэжыму адбываецца пастаянна. У прыватнасьці, зь мінулага тыдня жорсткія баі ідуць за стратэгічны горад Дэбальцава.

unian.net/аз