Зьнешнегандлёвае сальда ў мінус

Белстат паведамляе, што ў сьнежні мінулага году сальда гандлю таварамі склала рэкордныя мінус 1,37 мільярды даляраў.

Сальда замежнага гандлю таварамі за 2014 год склала мінус 4,4 мільярды даляраў.

Гэта лепш, чым пазалетась, калі дадзены паказчык сягнуў амаль 6 мільярдаў даляраў.

Пры гэтым чыноўнікі зазначаюць, што сытуацыя апошняга месяца трывожная. У параўнаньні з мінулымі месяцамі сальда пагоршылася ў чатыры разы.

У сьнежні экспарт беларускіх тавараў склаў 2,5 мільярды даляраў, тады як імпарт — амаль 4 мільярды.

Горшай сытуацыя была толькі ў лістападзе 2010. Тады месячнае сальда склала мінус 1,45 мільярды даляраў.

Паводле Белта/nn.by