Прэзыдэнт Балгарыі наведвае Польшчу

Росэн Плеўнэліеў сустрэнецца з прэзыдэнтам Браніславам Камароўскім, прэм'ер-міністар Эвай Копач і сьпікэрам Сэната Багданам Барусевічам.

Таксама заплянаваны ягоны ўдзел у эканамічным сэмінары ды паездка ў Гданьск.

Польскі й балгарскі прэзыдэнты будуць размаўляць, у першую чаргу, пра павялічэньне эканамічнага ды ваеннага супрацоўніцтва. Польшча хоча дапамагчы Балгарыі ўвайсьці Шэнгенскую зону. Як заявіў міністар Канцылярыі прэзыдэнта Ярамір Сакалоўскі, палітыкі таксама будуць абмяркоўваць пашырэньне супрацоўніцтва ў галіне культуры. Ідзецца пра стажыроўкі ў архівах і музэях ў Польшчы, гатоўнасьць палякаў падзяліцца сваім вопытам у выкарыстаньні эўрапейскіх сродкаў, выдзеленых на культуру", - дадаў чыноўнік.

Для Польшчы Балгарыя становіцца ўсё больш важным эканамічным партнэрам. У мінулым годзе гандлёвы абарот склаў больш за мільярд эўра.

У Балгарыю Польшча экспартуе ў асноўным малако, мяса, аўтобусы, трамваі ды хімічныя прадукты. У сваю чаргу балгары пастаўляюць у Польшчу лекавыя сродкі, віно, каўчук, мэханічныя прылады і хімічныя вырабы.

юл