ПА Рады Эўропы патрабуе высьвятленьня сьмерці Магніцкага

Парлямэнцкая Асамблея Рады Эўропы выказала заклапочанасьць у сувязі з тым, што Расея пакуль не пакарала вінаватых у сьмерці юрыста Сяргея Магніцкага.

Нагадваем, Магніцкі, які абвінаваціў чыноўнікаў расейскага МУС у прысваеньні 230 мільёнаў даляраў зь дзяржаўнага бюджэту, памёр у вязьніцы ў нявысьветленых акалічнасьцях.

Парлямэнцкая Асамблея Рады Эўропы заклікала Расею да поўнага расьсьледаваньня абставін сьмерці Магніцкага й крымінальнага перасьледу службовых асоб, якія прычыніліся да яго зьняволеньня.

Апрача таго, дэпутаты заклікалі Маскву растлумачыць той факт, што скаргі Магніцкага аб падатковых махінацыях, накіраваныя ў вышэйшыя праваахоўныя органы, былі перададзеныя падазраваным у суўдзеле ў злачынстве функцыянэрам службы бясьпекі.

Рэзалюцыя рэкамэндуе ўвядзеньне ў Расеі адпаведнага заканадаўства па наглядзе за вязьніцамі, празрыстасьцю фінансавых і падатковых апэрацый і павышэньні эфэктыўнасьці барацьбы з карупцыяй.

аз