Прытулак для афганскага атэіста

Вялікабрытанія дала палітычны прытулак імігранту з Афганістана, які заяўляе, што зьяўляецца атэістам. Упершыню брытанскі ўрад пашырыў Гаагскую канвэнцыю па ахове ад перасьледу за рэлігійныя перакананьні на няверуючую асобу.

Грамадзянін Афганістана, які нарадзіўся ў мусульманскай сям'і, прыехаў у Вялікабрытанію, будучы падлеткам. Ён поўнасьцю асыміляваўся й страціў веру.

Цяпер, калі яму стала пагражаць дэпартацыя ў краіну продкаў, ён пачаў баяцца абвінавачваньня ў вераадступніцтве. У адпаведнасьці з дзейным у Афганістане правам шарыяту, за вераадступніцтва пагражае сьмяротнае пакараньне.

У сваёй заяве былы мусульманін прыводзіць прыклад афганца, які быў прысуджаны да сьмерці за пераход на хрысьціянства. Абдул Рахман быў вызвалены й адпраўлены ў Італію ў 2006 годзе, пасьля вялікага міжнароднага ціску на прэзыдэнта Хаміда Карзая.

aз