Украіна не пакідае эўрапейскага шляху

Улады ў Кіеве не адмаўляюцца ад эўрапейскай інтэграцыі. У гэтым кіраўніка польскай дыпляматыі запэўніў прэм'ер -міністар Украіны.

Міністар замежных спраў Польшчы Радаслаў Сікорскі размаўляў з Міколам Азаравым падчас саміту АБСЭ, які праходзіць у Кіеве.

Пасьля сустрэчы міністар замежных спраў Польшчы паведаміў журналістам, што кіраўнік украінскага ўраду супакойваў эўрапейскіх лідараў:

Радаслаў Сікорскі: Прэм'ер- міністар запэўніў нас, што Ўкраіна не сышла й ня сыдзе з эўрапейскага шляху. Тым ня менш, ён прадставіў маштаб цяжкасьцяў, якія краіна мусіць цяпер пераадолець.

- сказаў Сікорскі.

Украінская эканоміка змагаецца з сур'ёзнымі праблемамі. Бягучы год скончыцца рэцэсіяй, а ВУП ўпадзе на паўпрацэнта.

Падчас размовы з украінскім прэм'ерам Радаслава Сікорскага суправаджаў міністар замежных спраў Швэцыі. Карл Більд сказаў журналістам, што, паводле яго, „без рашэньня палітычнага крызысу Ўкраіна ня вернецца на эўрапейскі шлях”.

У другой палове дня заплянаваная сустрэча кіраўніка польскай дыпляматыі зь лідарамі ўкраінскай апазыцыі, а затым прэс –канфэрэнцыя.

аз