Курцы наносяць фірме фінансавыя шкоды

Сярэднестатыстычны курэц наносіць сваёй фірме страты ў памеры 2 тысячаў эўра ў год. Такім чынам сьведчаць дадзеныя дасьледаваньня, праведзенага гішпанскай Асацыяцыяй бясьпекі працы. Гэта ня толькі таму, што ён часта выходзіць на перакур і пакідае сваё працоўнае месца, але й таму, што хварэе часьцей, чым тыя працаўнікі, якія ня кураць.

У Гішпаніі звычайна цыгарэты курыць кожны чацьвёрты працаўнік. Згодна зь дзейным заканадаўствам, два гады таму на заводах былі ліквідаваныя курылкі. Таму кожны, хто хоча закурыць, павінен выйсьці на вуліцу.

„Штодзённа кожны з курцоў курыць у сярэднім па чатыры цыгарэты, губляючы больш за паўгадзіны. А пасьля вяртаньня на месца працы патрабуе некалькіх дадатковых хвілін, каб засяродзіцца й пачаць працаваць нанава”, - гаворыцца ў справаздачы Асацыяцыі бясьпекі працы.

Ейныя аўтары падлічылі, што штогадовыя страты кампаній складаюць у сярэднім па 1500 эўра на кожнага супрацоўніка-курца. Дадатковыя 500 эўра - гэта кошт лекарскіх бюлетэняў, таму што курцы часьцей хварэюць.

аз