Пракуратура выдала ордэр на арышт Мухамэда Мурсі

foto: PAP/EPA/JUSTIN LANE

Пракуратура ў Эгіпце выдала дазвол на арышт былога прэзыдэнта Мухамэда Мурсі, - пра гэта паведаміла афіцыйнае інфармацыйнае агенцтва МЕНА.

Зьвергнуты 3 ліпеня ў выніку вайсковага перавароту, кіраўнік Эгіпту падазраецца ў супрацоўніцтве з палестынскім ХАМАСам. Справа тычыцца яго ўцёкаў з турмы на пачатку 2011 года падчас паўстаньня супраць тагачаснага прэзыдэнта Хосьні Мубарака.

Паводле абвінавачаньня, Мурсі ўдзельнічаў у забойстве зьняволеных турэмных афіцэраў і жаўнераў, а таксама ў выкраданьнях.

Пракуратура выдала ордэр на арышт Мурсі тэрмінам на 15 сутак, на працягу якіх яго будуць дапытваць. З 3 ліпеня былы прэзыдэнт Эгіпту ўтрымліваецца ў невядомым месцы.

Супраць рашэньня пракуратуры пратэставала партыя экс-прэзыдэнта „Браты-мусульмане”.

аз