Расея гатова скарціць мілітарны патэнцыял?

Расея гатова скараціць свой ваенны патэнцыял узамен за гарантыі бясьпекі. Пра гэта падчас міжнароднай канфэрэнцыі па бясьпецы ў Эўропе, якая праходзіць у Маскве, паведаміў начальнік Генэральнага штаба генэрал Валерый Герасімаў.

Паводле яго, Расея ў любы момант можа пачаць скарачэньне стратэгічных ударных ўзбраеньняў, калі будзе ўпэўнена, што ніхто не пагражае ейнаму ядзернаму патэнцыялу. Генэрал Герасімаў адзначыў, што гаворка ідзе пра ствараемую ў Эўропе амэрыканскую сыстэму супрацьракетнай абароны.

„Гэта тэма вельмі важная й заслугоўвае абмеркаваньня”, - сказаў ён.

Аналягічныя меркаваньні ўтрымліваюцца ў лісьце прэзыдэнта Расеі да ўдзельнікаў міжнароднай канфэрэнцыі. Уладзімір Пуцін напісаў у ім пра неабходнасьць прадпрыняць супольныя дзеяньні па барацьбе з тэрарызмам, незаконным абаротам наркотыкамі й па прадухіленьні распаўсюду зброі масавага зьнішчэньня.

аз