„Боінг” узнаўляе выпуск самалётаў „Dreamliner”

PAP/EPA/IMRE FOLDI

Канцэрн „Боінг” аднаўляе пастаўкі пасажырскіх самалётаў тыпу „Dreamliner”.

Некалькі месяцаў таму рэйсы й пастаўкі гэтых машын былі прыпыненыя з-за няспраўнасьці акумулятараў.

Цяпер прадстаўнікі канцэрну паведамілі , што першы самалёт быў дастаўлены японскім авіялініям „All Nippon”. Гэты перавозчык павінен аднавіць палёты ляйнэраў „Dreamliner” цягам двух бліжэйшых тыдняў. Паводле прадстаўнікоў канцэрну, дэфэктныя акумулятары былі адрамантаваныя, а ў новых машынах яны ўжо лепш забясьпечаныя

„Мы павялічылі колькасьць забесьпячэньняў, таму, незалежна ад таго, што было прычынай іх аварыі, цяпер праблемаў ужо ня будзе, " – сказаў віцэ-старшыня „Боінга” Майк Сынэт.

Нагадваем, у студзені былі прыпыненыя палёты 50 машын тыпу „Dreamliner”. Некаторыя авіякампаніі ўжо аднавілі іх палёты. Канцэрн „Боінг” заявіў, што ў адпаведнасьці з плянам у гэтым годзе выпусьціць яшчэ 60 такіх машын.

аз