Палякі адзначаюць Дзень сьцяга

Сьцягі - сьведкі гісторыі ад часоў бітвы пад Грунвальдам па часы барацьбы руху „Салідарнасьць” прэзэнтаваныя ў Прэзыдэнцкім палацы.

Прэзыдэнт Браніслаў Камароўскі, які адкрыў новую выставу ў Зале сьцягоў сказаў, што экспазыцыя расказвае пра розныя моманты польскай гісторыі, як пра часы перамогі, так і паразы.

Браніслаў Камароўскі: Гаворка ідзе пра тое, каб наведвальнікі Прэзыдэнцкага палаца бачылі ўклад Польшчы, польскасьці й нашай гісторыі ў важныя справы, якія выходзяць па-за польскія нацыянальныя інтарэсы. Выстава менавіта гэта паказвае.

Сёньня мы адзначаем Дзень сьцяга. А поўдні перад прэзыдэнцкай сядзібай адбылася цырымонія падняцьця нацыянальнага сьцяга.

У сваю чаргу а 13.00 Браніслаў Камароўскі сустрэўся з удзельнікамі шэсьця „Арол можа”. Акцыя, арганізаваная Трэцяй праграмай грамадзкага Польскага радыё й выданьнем „Gazeta Wyborcza”, праходзіць з мэтай заахвочваньня палякаў да аказваньня добразычлівасьці, аптымізму й веры ва ўласныя сілы. У рамках гэтай ініцыятывы ў Кракаве, Познані, Варшаве і Ўроцлаве прайшлі хэпэнінгі.

аз