Эўрапэйкі жывуць больш за эўрапейцаў на 7 гадоў

Эўрапейцы становяцца здаравейшымі, пры гэтым мужчыны жывуць нашмат карацей, чым жанчыны. Такія высновы можна зрабіць на аснове дакладу, апублікаванага сёньня Сусьветнай арганізацыяй аховы здароўя (WHO).

У дакумэнце адзначаецца, што эўрапейцы ў цэлым жывуць значна даўжэй, чым яшчэ 30 гадоў таму. „Сярэдняя працягласьць жыцьця павялічылася на пяць гадоў для абодвух полаў", - кажа доктар Кляўдыя Штэйн з Сусьветнай арганізацыяй аховы здароўя.

Статыстычны эўрапеец жыве ў сярэднім 76 гадоў, аднак, мужчыны паміраюць на 7 гадоў раней, чым жанчыны. Такім чынам, жанчыны жывуць у сярэднім 80 гадоў, а мужчын - 72,5 года.

Акрамя таго, у Эўропе з 90-х гадоў на палову зьнізілася колькасьць сьмяротных ахвяраў ДТЗ, значна скарацілася колькасьць самагубстваў, а сьмяротнасьць сярод дзяцей – самая нізкая ў сьвеце.

Калі гаворка ідзе пра працягласьць жыцьця, сьмяротныя хваробы сэрца ці пра ўжываньне алькаголю й курэньне, то Польшча набліжаецца да сярэдняй па Эўропе.

аз