Закончылася пекла закладнікаў

Алжырскай арміі ўдалося заняць газавы комплекс на Сахары. Паводле алжырскіх СМІ, у выніку апэрацыі загінулі 11 тэрарыстаў і 7 закладнікаў. Алжырскае дзяржаўнае інфармацыйнае агенцтва паведаміла, што сёньня спэцсілы правялі апэрацыю па вызваленьні газавага прадпрыемства, на якім група ісламскіх тэрарыстаў зь серады ўтрымлівала закладнікаў. Падчас апэрацыі загінулі 11 тэрарыстаў, якія, зразумеўшы, што пачалася апэрацыя, забілі 7 закладнікаў, паведамляе з Алжыру карэспандэнт Польскага радыё Войцех Цагельскі.
Зь серады, калі фундамэнталісты занялі газавыя радовішчы, загінулі 19 закладнікаў. Паводле алжырскіх дзяржаўных крыніц, спэцадзінкам удалося вызваліць каля 670 чалавек, у тым ліку каля 100 іншаземцаў.
Тэрарыстычную групу пад назвай “Падпісаныя крывёй”, якая зьдзейсьніла напад, узначальвае адзін з былых лідараў Аль-Каіды ў Паўночнай Афрыцы Махтар Бэльмахтар, грамадзянін Нігера. Баевікі патрабавалі вывядзеньня францускай арміі з Малі ды вызваленьня з амэрыканскіх турмаў важных чальцоў ісламскіх тэрарыстычных арганізацый.

вс