Мюнхэн: пачаўся “Oktoberfest”

http://www.tvr24.pl

У нямецкім Мюнхэне пачаліся вядомыя ва ўсім сьвеце піўныя дажынкі “Oktoberfest”. На працягу бліжэйшых двух тыдняў у сталіцу Баварыі прыедуць мільёны аматараў піва.
“Oktoberfest” адкрыў мэр Мюнхэна, які малатком выбіў корак з бочкі з півам з сёлетняга ўраджаю хмеля. На працягу піўнога сьвята госьці фэстываля вып’юць 7 млн. літраў баварскага піва, зьядуць паўмільёна печаных курыц ды некалькі мільёнаў каўбасак.
“Oktoberfest” – гэта найбуйнейшае народнае сьвята ў сьвеце. У мінулым годзе на піўных дажынках пабывала каля 7 млн. чалавек. Аматараў бурштынавага напою не пужаюць нават цэны: сёлета за літровы куфаль піва прыйдзецца заплаціць 9,5 эўра.

вс